Afghan Bibles
English · دری · پښتو

کِتاب دَرباره یی یونُس پَیغَمبَر

ڎُیوْنُم فَصلی

یونُس دعا

۱تأم یونُس از مایی قیچَند پېښ خُداوَند، خُڎای خو دعا چود لوْدی: ۲«دَر وَخت سَختی یُم، قیود اَت خُڎای مو قَبول چود. از عالم مأرگُم قیود اَت تُت به داد مو فِریپت. ۳مو یَت اَر بَحر جوْښ پِتێود اَت گَرڎاڤَندُم غَرق سُت اَت جوْښېن خُروښوْنَت مو بِږین چود. ۴تَر خو یُم لوْد اِدی از نَظَر خو یَت مو ڎَر پِتێود اَت دِگه ته نه ڤأرڎِیُم تو عبادَتگاه مُقدَس وِنُم. ۵اَر بَحر گَرڎاڤُم بېد مأرگ لَپ نَزدیک ڤُد. ښَڅېنېن مو گِرد چود اَت بَحر واښېن مو مأکَرد بَرزین سَت. ۶تا اَر کوهېن بیرُم فِریپت. دَرڤازه ېن زِنده‌گی ېن مو به روی چُست سَت اَت تَر جای مأرگُم زِندوْنی سُت. اَما ای خُداوَند، خُڎای مو، تُت مو از چِنگال مأرگ خَلاص چود. ۷وَختی اِدی فُکَٿ اُمېڎ خو یُم از ڎُست ڎاڎجِن څه ڤُد، ڤاگه یَت تو ای خُداوَند تو بَیاڎُم ڤُد اَت مو قَلب دعاېنېن پی تو عبادَتگاه مُقدَس فِریپت. ۸اِکوٲڎ اِدی بُتېن پَرَستِښ څه کِنېن از نِعِمَت تویېن بې بٲره، ۹اَما وُز ته به ساز اَت سُرود قُلُغ اَت قُربوْنی تُرد کِنُم اَت خو نَذری ته مِس تُرد تقدیم کنُم. نِجات فَقَط از طَرَف تو اې خُڎای.» ۱۰وی وَختی خُڎای وَم نَهَنگ تی اَمر چود اِدی یونُس از خو غِێڤَند تَر پألی پتِێود اَت دِسگه یی نَهَنگ چود.