۱ وهدے اِسراییل چه مِسرا در آتک،
آکوبئے هاندان، چه درامَدێن زبانێئے مردمانی نیاما،
۲ یَهودا هُدائے گِچێن کرتگێن و
اِسراییل آییئے بادشاهی بوت.
۳ دریایا دیست و تَتک،
اُرْدُنئے کئور، پُشتا کنزِت.
۴ کۆه چۆ گوَرانڈا سِٹّ جنان بوتنت و
جُمپ چۆ گوَرَگا.
۵ او دریا! چے بوت که تئو تَتکئے؟
او اُرْدُن! چے بوت که تئو پُشتا کِنزِتئے؟
۶ او کۆهان! چے بوت که شما چۆ گوَرانڈا سِٹّ جت،
شما چۆ گوَرَگا، او جُمپان؟
۷ بِلَرز، او زمین!
هُداوندئے بارگاها،
آکوبئے هُدائے بارگاها.
۸ آییا تَلار گوَرم کرتنت، چه آپا پُرّ،
مُهرێن سِنگ آپئے چمّگ.