۱ اگن هُداوند لۆگا مبندیت،
بانبندانی زهمت بێکار اِنت.
اگن هُداوند، شهرئے نِگهپانیا مکنت،
نِگهپانانی نِگهپانی بێکار اِنت.
۲ تئیی، سُهبا ماهلّه پاد آیگ و
شپا تان دێرا آگه بئیگ بێکار اِنت.
زهمتَ کشّئے که ترا په ورگا نان برسیت،
آ که هُدایا دۆست اَنت، اگن واب ببنت هم
هُدا اے چیزّان آیانا دنت.
۳ چُکّ چه هُداوندئے نێمگا میراس اَنت و
پدرێچ چه هماییئے نێمگا مُزّ.
۴ ورناییا آورتگێن مردێن‌چُکّ
انچش اَنت که جنگۆلێئے دستا تیر.
۵ بَهتاور هما مرد اِنت که تیردانی چه چُکّا پُرّ اِنت.
وهدے چُشێن مردمے شهرئے دروازگا گۆن دژمنا دێم په دێمَ بیت
هچبر پشل و شرمندگَ نبیت.