۱ من چه جُهلانکیان ترا تئوارَ کنان، او هُداوند!
۲ هُداوند! منی تئوارا گۆش دار،
منی پریات و زاریان دلگۆش کناتئے.
۳ او هُداوند! اگن تئو گناهان هساب بکنئے،
گڑا کئے پَشتَ کپیت، او هُداوند؟
۴ بله تئو بَکشنده ائے
تانکه تئیی تُرس مئے دلا ببیت.
۵ من په هُداوندا ودارَ کنان،
منی سجّهێن دل و جان ودارَ کنت و
منی اُمێت گۆن هُدائے هبرا اِنت.
۶ په هُداوندا ودارَ کنان
چه هما نِگهپانان گێشتر که سُهبئے ودارا اَنت،
هئو، چه هما نِگهپانان گێشتر که سُهبئے ودارا اَنت.
۷ او اِسراییل! اُمێتا په هُداوندا بدار،
که مِهر گۆن هُدایا اِنت و
کامِلێن رَکّێنگ هماییئے دستا اِنت.
۸ آ وت اِسراییلا مۆکیت
چه آیانی سجّهێن گناهان.