Nehemiah 7 in Hazaragi

فصلِ هفتُم

تعدادِ اسِیرای که پس اَمدُد

۱وختِیکه دیوال آباد شُد و ما درگه‌های شی ره شَندُم و درگه‌وانا، سرُودخانا و لاویا مُقرَر شُد، ۲اوخته ما بِرار خُو حَنانی و حَنَنیا قومَندانِ قلعه ره مسئُولِ اورُشَلیم تعیِین کدُم، چُون حَنَنیا یگ مَردِ صادِق و از کَلو نفرا کده خُداتَرس بُود. ۳ما دَزوا گُفتُم: ”درگه‌های اورُشَلیم تا وختِیکه آفتَو خُوب بُر نَشُده نَباید واز شُنه و دَ غَیتِ شام درگه‌وانا دَ حالِیکه دَ اُونجی هنوز پَیره مُونه باید درگه‌ها ره بسته کده دَ پُشت شی ٹمبه بیله. از مردُمای اورُشَلیم پَیره‌دارا ره مُقرَر کُو تا هر کُدَمِ ازوا دَ جایی که تعیِین شُده پَیره کُنه، یعنی هر کس دَ نزدِیکِ خانِه خُو.“

۴شار پِراخ و کٹه بُود و تِعدادِ مردُمی که دَ مَنِه شی زِندگی مُوکد کَم بُود و خانه‌ها هنوز آباد نَشُدُد. ۵اوخته خُدای مه دَ دِل مه اَندخت که کٹه‌سرا، حاکِما و مردُم ره جَم کنُم تا دَ مُطابِقِ پُشت نامه‌ها ثَبتِ نام شُنه. ما کِتابِ پُشت نامِه کسای ره که اوّل پس اَمدُد، پَیدا کدُم و اینی نوِشته ره دَزُو دِیدُم: ۶اینَمیا مردُمِ ولایت اَسته که از اسِیری و کوچِ اِجباری پس اَمَد، یعنی کسای که نِبُوکَدنِصر پادشاهِ بابُل اُونا ره دَ اسِیری بُردُد. امیا دَ اورُشَلیم و یهُودا هر کُدَم شی پس دَ شار خُو اَمَد. ۷امیا قد زِروبابِل، یِشُوعَ، نِحِمیا، عَزَریا، رَعَمیا، نَحَمانی، موردِخای، بِلشان، مِسفارِت، بِغوای، نحُوم و بعنا اَمَد.

تِعدادِ مَردای قَومِ اِسرائیل ازی قرار بُود:

۸اَولادِه فرعوش، دُو هزار و یگ صد و هفتاد و دُو نفر؛

۹اَولادِه شِفَطیا، سِه صد و هفتاد و دُو نفر؛

۱۰اَولادِه آرَح، شَش صد و پِنجاه و دُو نفر؛

۱۱اَولادِه فَحَت-موآب، از اَولادِه یِشُوعَ و یوآب، دُو هزار و هشت صد و هژده نفر؛

۱۲اَولادِه عیلام، یگ هزار و دُوصد و پِنجاه و چار نفر؛

۱۳اَولادِه زَتُو، هشت صد و چِل و پَنج نفر؛

۱۴اَولادِه زَکای، هفت صد و شصت نفر؛

۱۵اَولادِه بِنُّوی، شَش صد و چِل و هشت نفر؛

۱۶اَولادِه بابای، شَش صد و بِیست و هشت نفر؛

۱۷اَولادِه عَزگاد، دُو هزار و سِه صد و بِیست و دُو نفر؛

۱۸اَولادِه اَدونِیقام، شَش صد و شصت و هفت نفر؛

۱۹اَولادِه بِغوای، دُو هزار و شصت و هفت نفر؛

۲۰اَولادِه عادِین، شَش صد و پِنجاه و پَنج نفر؛

۲۱اَولادِه آطیر از اَولادِه حِزقیا، نَوَد و هشت نفر؛

۲۲اَولادِه حاشُوم، سِه صد و بِیست و هشت نفر؛

۲۳اَولادِه بیصای، سِه صد و بِیست و چار نفر؛

۲۴اَولادِه حارِیف، یگ صد و دوازده نفر؛

۲۵اَولادِه جِبعون، نَوَد و پَنج نفر؛

۲۶مَردای بَیت-لَحَم و نِطوفه، یگ صد و هشتاد و هشت نفر؛

۲۷مَردای عَناتوت، یگ صد و بِیست و هشت نفر؛

۲۸مَردای بَیت-عَزمَوِت، چِل و دُو نفر؛

۲۹مَردای قِریَت -عارِیم، کِفِیره و بِئیروت، هفت صد و چِل و سِه نفر؛

۳۰مَردای رامه و جِبَع، شَش صد و بِیست و یگ نفر؛

۳۱مَردای مِخماس، یگ صد و بِیست و دُو نفر؛

۳۲مَردای بَیت-ئیل و عای، یگ صد و بِیست و سِه نفر؛

۳۳مَردای نِبوی دِیگه، پِنجاه و دُو نفر؛

۳۴اَولادِه عیلامِ دِیگه، یگ هزار و دُوصد و پِنجاه و چار نفر؛

۳۵اَولادِه حارِیم، سِه صد و بِیست نفر؛

۳۶اَولادِه اَریحا، سِه صد و چِل و پَنج نفر؛

۳۷اَولادِه لود، حادِید و اونو، هفت صد و بِیست و یگ نفر؛

۳۸اَولادِه سِنائه، سِه هزار و نُه صد و سی نفر؛

۳۹پیشوایو: اَولادِه یِدَعیا از خانَوارِ یِشُوعَ، نُه صد و هفتاد و سِه نفر؛

۴۰اَولادِه اِمّیر، یگ هزار و پِنجاه و دُو نفر؛

۴۱اَولادِه پَشحُور، یگ هزار و دُوصد و چِل و هفت نفر؛

۴۲اَولادِه حارِیم یگ هزار و هفده نفر؛

۴۳لاویا: اَولادِه یِشُوعَ و قدمِیئیل از اَولادِه هودَویا، هفتاد و چار نفر؛

۴۴سرُودخانا: اَولادِه آساف، یگ صد و چِل و هشت نفر؛

۴۵درگه‌وانا: اَولادِه شَلُّوم، اَولادِه آطیر، اَولادِه طلمون، اَولادِه عقُوب، اَولادِه حطِیطا و اَولادِه شوبای جُمله یگ صد و سی و هشت نفر؛

۴۶خِدمتگارای خانِه خُدا: اَولادِه صِیحا، اَولادِه حَسُوفا، اَولادِه طبّاعوت، ۴۷اَولادِه قیروس، اَولادِه سِیعا، اَولادِه فادون، ۴۸اَولادِه لِبانه، اَولادِه حَگابه، اَولادِه شَلمای، ۴۹اَولادِه حانان، اَولادِه گِدّیل، اَولادِه گاحَر، ۵۰اَولادِه رِآیا، اَولادِه رِصِین، اَولادِه نقودا، ۵۱اَولادِه گزّام، اَولادِه عُزّا، اَولادِه فاسیَح، ۵۲اَولادِه بیسای، اَولادِه مِعُونِیم، اَولادِه نِفُوسِیم، ۵۳اَولادِه بَقبُوق، اَولادِه حَقُوفا، اَولادِه حَرحُور، ۵۴اَولادِه بَصلِیت، اَولادِه محِیدا، اَولادِه حَرشا، ۵۵اَولادِه برقوس، اَولادِه سِیسِرا، اَولادِه تامَح، ۵۶اَولادِه نصِیَح و اَولادِه حطِیفا؛

۵۷اَولادِه خِدمتگارای سُلَیمان: اَولادِه سوطای، اَولادِه سوفِرِت، اَولادِه فِرِیدا، ۵۸اَولادِه یَعله، اَولادِه درقون، اَولادِه گِدّیل، ۵۹اَولادِه شِفَطیا، اَولادِه حطِیل، اَولادِه پوخِرِت-هَصِبائِیم و اَولادِه آمون.

۶۰تمامِ خِدمتگارای خانِه خُدا و اَولادِه خِدمتگارای سُلَیمان سِه صد و نَوَد و دُو نفر بُود.

۶۱اینیا کسای اَسته که از تِل مِلَح، تِل حَرشا، کِرُوب، اَدّون و اِمّیر اَمَد، لیکِن اَولادِ بابه و اَصل-و-نَسَب خُو ره ثابِت نَتنِست که آیا دَ اِسرائیل تعلُق دَشت یا نَه:

۶۲اَولادِه دِلایا، اَولادِه طوبیا و اَولادِه نقودا شَش صد و چِل و دُو نفر.

۶۳و از پیشوایو: اَولادِه حُبایا، اَولادِه هَقوص و اَولادِه بَرزِلّای که یکی از دُخترونِ بَرزِلّای جِلعادی ره خاتُو کدُد و دَ امزُو نام یاد مُوشُد.

۶۴امی نفرا سِلسلِه نَسَب خُو ره دَ مینکلِ کسای که دَ پُشت نامه‌ها ثَبت شُدُد طلب کد، لیکِن پَیدا نَتنِست و از وظِیفِه پیشوایی برطرف شُد. ۶۵اوخته والی دَزوا گُفت که اُونا از مُقَدَّسترِین خوراک نَباید بُخوره تاکه یگ پیشوا حاضِر شُده قد اُورِیم و تُمِیم دَ بارِه ازوا تصمِیم بِگِیره.

۶۶تمامِ جماعت جُمله چِل و دُو هزار و سِه صد و شصت نفر بُود، ۶۷بغَیر از غُلاما و کنِیزای ازوا که هفت هزار و سِه صد و سی و هفت نفر مُوشُد. دُو صد و چِل و پَنج نفر مَرد و خاتُونِ سرُودخان ام دَ جَمِ ازوا بُود. ۶۸امچُنان اُونا هفت صد و سی و شَش اَسپ، دُوصد و چِل و پَنج قاطِر، ۶۹چارصد و سی و پَنج اُشتُر و شَش هزار و هفت صد و بِیست اُلاغ دَشت.

۷۰دَ امزُو غَیت بعضی از کٹه کَلونای اَولادِ بابه‌ها بَلدِه کارِ بازسازی هدیه‌ها دَد. والی یگ هزار دِرهَم طِلّا، پِنجاه کاسه و پَنج صد و سی جوره کالای پیشوایی دَ خزانِه خانِه خُدا هدیه دَد. ۷۱بعضی از کٹه کَلونای اَولادِ بابه‌ها بِیست هزار دِرهَم طِلّا و دُو هزار و دُوصد مِنا نُقره بَلدِه کارِ بازسازی دَ خزانه هدیه دَد. ۷۲چِیزی که باقی مردُم دَد، بِیست هزار دِرهَم طِلّا، دُو هزار مِنا نُقره و شصت و هفت جوره کالای پیشوایی بُود.

۷۳پیشوایو، لاویا، درگه‌وانا، سرُودخانا، بعضی مردُمِ عادی، خِدمتگارای خانِه خُدا و باقی تمامِ مردُمِ اِسرائیل دَ شارای خُو جای-دَ-جای شُد.