یوشِع

بَخشِ ۱۲

پادشایونی که از مُوسیٰ شِکست خورد

​۱اینَمیا پادشایونِ امزُو سرزمی اَسته که بَنی اِسرائیل زَد و سرزمِینِ ازوا ره دَ طرفِ شرقِ دریای اُردُن از دَرِّه اَرنون تا کوهِ حِرمون قد پگِ عَرَبِه شَرقی تَصَرُف کد:

• ​۲سِیحون پادشاهِ اَموریا که دَ حِشبون زِندگی مُوکد. حُکمرانی ازُو از عَروعیر که دَ بَغلِ دَرِّه اَرنون اَسته و تا مینکلِ دَرّه و نِیمِ جِلعاد و تا دَرِّه یَبوق که سرحدِ عمونیا اَسته، اِدامه دَشت. ​۳اُو امچُنان دَ بَلِه دَشتِ شرقِ دریاچِه اُردُن تا دریای کِنروت و سُون بَیت-یشِیموت تا دریای مُرده، یعنی دریای که دَ دَشت اَسته، و طرفِ جنُوب تا تَینه حِصِّه دامونِ پیسگه حُکمرانی مُوکد.
• ​۴و عوج پادشاهِ باشان که یکی از باقی‌مَنده های رِفائیا بُود و دَ عَشتاروت و اِدرعَی زِندگی مُوکد؛ ​۵اُو دَ بَلِه کوهِ حِرمون، سَلِخه و پگِ باشان تا سرزمِینِ جِشُوریا و مَعکیا و نِیمِ جِلعاد و تا سرحدِ سِیحون پادشاهِ حِشبون حُکمرانی مُوکد. ​۶مُوسیٰ خِدمتگارِ خُداوند و بَنی اِسرائیل اُونا ره زَد؛ و مُوسیٰ خِدمتگارِ خُداوند سرزمِینِ ازوا ره دَ رئوبینیا، جادیا و نِیم طایفِه مَنَسّی دَ عِنوانِ مُلکیَت دَد.

پادشایونی که از یوشِع شِکست خورد

​۷یوشِع و بَنی اِسرائیل پادشایونِ سرزمِینِ طرفِ غَربِ دریای اُردُن ره زَد، که از بَعل‌جاد دَ دَرِّه لِبنان تا کوهِ حالَق که سُون سَعِیر باله موره، جای بُود و باشِ ازوا بُود. و یوشِع سرزمِینِ ازوا ره دَ طایفه های اِسرائیل دَ مُطابِقِ تقسِیمات ازوا دَ عِنوانِ مُلکیَت دَد. ​۸ امُو سرزمی شامِلِ کوھِستو، تِپه ها، دَشت، دامَنه ها، بیابو، جنُوب و سرزمِینِ حِتیا، اَموریا، کِنعانیا، فرِزیا، حِویا و یبُوسیا مُوشُد. نام های امزُو پادشایو اینیا بُود:

• ​۹پادشاهِ اَریحا، یگ؛
• پادشاهِ عای که دَ پالُوی بَیت‌ئیل اَسته، یگ؛
• ​۱۰پادشاهِ اورُشَلیم، یگ؛
• پادشاهِ حِبرون، یگ؛
• ​۱۱پادشاهِ یَرمُوت، یگ؛
• پادشاهِ لاخِیش، یگ؛
• ​۱۲پادشاهِ عِگلون، یگ؛
• پادشاهِ جازر، یگ؛
• ​۱۳پادشاهِ دبِیر، یگ؛
• پادشاهِ جادر، یگ؛
• ​۱۴پادشاهِ حُرما، یگ؛
• پادشاهِ عَراد، یگ؛
• ​۱۵پادشاهِ لِبنه، یگ؛
• پادشاهِ عَدُلام، یگ؛
• ​۱۶پادشاهِ مَقیده، یگ؛
• پادشاهِ بَیت‌ئیل، یگ؛
• ​۱۷پادشاهِ تپُوَح، یگ؛
• پادشاهِ حِفِر، یگ؛
• ​۱۸پادشاهِ اَفیق، یگ؛
• پادشاهِ لشارون، یگ؛
• ​۱۹پادشاهِ مادون، یگ؛
• پادشاهِ حاصور، یگ؛
• ​۲۰پادشاهِ شِمرون، یگ؛
• پادشاهِ اَخشاف، یگ؛
• ​۲۱پادشاهِ تعناخ، یگ؛
• پادشاهِ مِگِیدو یگ
• ​۲۲پادشاهِ قادِش، یگ؛
• پادشاهِ یُقنعام دَ کَرمِل، یگ؛
• ​۲۳پادشاهِ دور دَ نافَت‌دور، یگ؛
• پادشاهِ گوئیم دَ جلِیلیه، یگ؛
• ​۲۴پادشاهِ تِرصه، یگ؛

جُمله سی و یگ پادشاه.