۱بیل که خُدا دَ حق مو رحِیم بَشه و مو ره بَرکت بِدیه
و نُورِ رُوی شی دَ بَلِه مو روشَنی کُنه - سِلاه -
۲تا راه-و-طرِیق شی دَ رُوی زمی شِنَخته شُنه
و نِجات شی دَ مینکلِ پگِ مِلَّت ها.
۳خُدایا، بیل که قَوم ها تُو ره سِتایش کُنه،
پگِ قَوم ها تُو ره سِتایش کُنه.
۴بیل که مردُما خوش بَشه و سرُود بِخانه،
چراکه تُو قَوم ها ره مُنصِفانه قضاوَت مُونی
و مردُما ره دَ رُوی زمی هِدایَت مِیدی. سِلاه.
۵خُدایا، بیل که قَوم ها تُو ره سِتایش کُنه
پگِ قَوم ها تُو ره سِتایش کُنه.
۶زمی حاصِل خُو ره دَده.
اَرے، خُدا، خُدای مو، مو ره بَرکت دَده.
۷خُدا مو ره بَرکت دَده
تا تمام گوشه های زمی ازُو ترس دَشته بَشه.