۱ کله چې موسی د سپېڅلې خېمې د ودرولو څخه وزګار شو، نو خېمه او د هغې ټول سامان او د قربانۍ ځای او د هغه ټول سامان یې مسح کړ او هغه یې څښتن ته وقف کړ. ۲ بیا د اسراییلو دولس قبیلوي مشران یعنې هماغه کسان چې د خلکو د سرشمېرنې مشري یې په غاړه وه، سپېڅلې خېمې ته ۳ د هغو سوغاتونو سره راغلل چې د څښتن دپاره وو. هغوی شپږ ګاډۍ ګانې او دولس غویان راوړل، هر مشر یو یو غویی او دوو مشرانو یوه یوه ګاډۍ راوستله.
۴ څښتن موسی ته وویل: ۵ «دا سوغاتونه د هغوی څخه قبول کړه چې د سپېڅلې خېمې په کار کې ورڅخه ګټه واخیستل شي او هغه لاویانو ته د هغه کار دپاره ورکړه چې هر یو یې په سپېڅلې خېمه کې سرته رسوي.» ۶ نو موسی ګاډۍ ګانې او غویان واخیستل او هغه یې لاویانو ته ۷-۸ چې د هارون د زوی ایتامار تر مشرۍ لاندې وو، ورکړل. موسی جرشونیانو ته د هغوی د کار دپاره دوه ګاډۍ ګانې او څلور غویان ورکړل او څلور ګاډۍ ګانې او اته غویان یې مراریانو ته د هغوی د کار دپاره ورکړل. ۹ خو قهاتیانو ته یې هېڅ ورنه کړل، ځکه چې هغوی د هغو سپېڅلو شیانو مسوولان وو چې باید په خپلو اوږو باندې یې یوسي.
۱۰ کله چې د قربانۍ ځای مسح کړای شو، مشرانو خپلې نذرانې د هغه د وقف کولو دپاره راوړلې او هغه یې د قربانۍ د ځای په مخکې وړاندې کړې. ۱۱ څښتن موسی ته وویل: «مشرانو ته ووایه چې تر دولسو ورځو پورې دې یو یو مشر هره ورځ خپله نذرانه د قربانۍ د ځای د وقف کولو دپاره راوړي.»
۱۲-۸۳ نو هر مشر دا لاندېني سوغاتونه راوړل: د سپینو زرو یو پیشقاب چې وزن یې یونیم کیلو ګرام ؤ او د وینې د شیندلو دپاره د سپینو زرو یوه کاسه چې وزن یې اته سوه ګرامه ؤ. دواړه د ښو اوړو او زیتونو د تېلو څخه ډک وو، دا د غلې دانې د نذرانې په توګه وو او وزن یې د سپېڅلي ځای د اندازې له مخې ؤ:
قبیلوي مشرانو خپل سوغاتونه او نذرانې په لاندې ترتیب سره راوړلې:
۸۴-۸۸ په دې ډول کله چې د قربانۍ ځای مسح او څښتن ته وقف کړای شو، دغو دولسو مشرانو دا لاندېني سوغاتونه راوړل:
۸۹ کله به چې موسی غوښتل چې د څښتن سره خبرې وکړي، نو سپېڅلې خېمې ته به ورننوت. هلته به هغه د دوو اسماني مخلوقاتو له منځ څخه د کفارې د پوښ دپاسه چې د لوظ په صندوق باندې پروت ؤ، د څښتن غږ اورېده چې د هغه سره یې خبرې کولې.