۱ ”اگن هُداوند گۆن ما گۆن مبوتێن،“
اِسراییل بگوَشات:
۲ ”اگن هُداوند گۆن ما گۆن مبوتێن
آ وهدا که مردمان مئے سرا اُرُش و همله کرت،
۳ آیان مارا زندگا اێر برتگ‌اَت
وهدے هِژمِش مئے سرا چِست اَت.
۴ آ وهدا آپان مارا اێر برتگ‌اَت،
هار و توپّانا مارا مان رُپتگ‌اَت،
۵ مَستێن آپان
مارا رۆپان کرتگ‌اَت.“
۶ هُداوندا ستا بات
که نه‌اِشتی ما اِشانی دنتانانی شکار ببێن.
۷ مئے زندی انچۆ رَکّێنت که
بالی مُرگے چه شکاریئے داما،
دام دِرت و ما رکّتێن.
۸ هُداوندئے نام مئے مدَت اِنت،
آسمان و زمینئے جۆڑ کنۆکئے نام.