۱وختِیکه اِسرائیل از مِصر بُر شُد،
خانَوارِ یعقُوب از مینکلِ قَومی که زِبون شی بیگَنه بُود،
۲یهُودا جایگاهِ مُقَدَّسِ خُدا شُد
و اِسرائیل مُلکِ سلطَنَت ازُو.
۳دریای سُرخ دِید و دُوتا کد؛
دریاچِه اُردُن پَسکی رفت.
۴کوه ھا رقمِ قُوچ ها دَ قِرتَک زَدو شُد
و تِپه ها مِثلِ باره‌گو.
۵چی شُد، اَی دریا، که دُوتا کدی؟
و اَی دریاچِه اُردُن که پَسکی رفتی؟
۶اَی کوه ھا که رقم قُوچ ھا
و اَی تِپه ها که مِثلِ باره‌گو دَ قِرتَک زَدو شُدِید؟
۷اَی زمی، دَ لَرزه بیه دَ حُضُورِ خُداوند،
دَ حُضُورِ خُدای یعقُوب
۸که قاده ره دَ نَوُرِ آو تبدِیل کد
و سنگِ خارا ره دَ چشمِه آو.