۱نیک دَ بَختِ پگِ کسای که از خُداوند ترس دَره
و دَ راه های ازُو قَدم مِیزَنه.
۲تُو از حاصِلِ زَحمتِ دِست خُو مُوخوری
و نیک بَخت و کامیاب مُوشی.
۳خاتُون تُو دَ مَنِه خانِه تُو رقمِ تاگِ پُرثَمر مُوشه
و بچکِیچای تُو دَ دَورِ دِسترخون تُو مِثلِ نیال‌های زَیتُون.
۴اَرے، امی رقم بَرکت پَیدا مُونه
آدمی که از خُداوند ترس دَره.
۵خُداوند تُو ره از صَھیون بَرکت بِدیه؛
دُعا مُونُم که تُو دَ تمامِ روزای زِندگی خُو کامیابی اورُشَلیم ره بِنگری.
۶ و دُعا مُونُم که بچکِیچای بچکِیچای خُو ره بِنگری.
صُلح-و-سلامَتی نصِیبِ اِسرائیل باد.