۱ هُداوند بادشاهیَ کنت
آییا وتا په شان و شئوکت آراستگ،
هُداوند پُرشئوکت اِنت و
زۆر و واکا سِلَهبند.
دنیا مُهر اۆشتاتگ و نلرزیت.
۲ تئیی بادشاهی تهت چه اَزل بَرجَم اِنت و
تئو چه اَزل هستئے.
۳ او هُداوند! کئور چست بوتگ‌اَنت،
کئوران وتی تئوار چست کرتگ،
کئوران وتی گُرّگانی تئوار چست کرتگ.
۴ هُداوند چه مزنێن آپانی تئواران،
چه دریائے چئولانی پرُشگا
مزن‌شانتِر اِنت، بُرزێن اَرشا.
۵ او هُداوند! تئیی هُکم مُدام برجاهَ ماننت،
تئیی بادشاهی پاک و پلگار اِنت،
مُدام، تان اَبد.