کِتابِ تَورات - بَخشِ اوّل‎ - پَیدایش

فصلِ دَهُم

نسل‌های بعد از نوح

۱اینیا نسل‌های سام، حام و یافِث، باچه‌های نوح اَسته. بعد از طوفان-و-سیل بَلدِه ازوا اَولادا پَیدا شُد. ۲باچه‌های یافِث اینی کسا بُود: جومِر، ماجُوج، مادای، یاوان، تُوبال، ماشِخ و تِیراس. ۳باچه‌های جومِر اینی کسا بُود: اَشکِناز، رِیفات و توگَرماه. ۴باچه‌های یاوان اینی کسا بُود: اَلِیشه، تَرشِیش، کِتِیم و رودانِیم. ۵امزیا مِلَّت‌های ساحِل نِشِین دَ سرزمِینای خُو دَ مُطابِقِ زِبو، طایفه و قَوم خُو پَخش شُد. ۶باچه‌های حام اینی کسا بُود: کُوش، مِصر، پُوط و کِنعان. ۷باچه‌های کُوش اینی کسا بُود: سَبا، حَوِیله، سَبتاه، رَعمه و سَبتِکا. باچه‌های رَعمه اینی کسا بُود: شَبا و دِدان. ۸کُوش آتِه نِمرود شُد و نِمرود اوّلِین کسی بُود که دَ دُنیا قُدرتمَند شُد. ۹اُو دَ حُضُورِ خُداوند یگ میرگَنِ قَوی بُود؛ امزی خاطر گُفته مُوشُد: ”مِثلِ نِمرود، بِهترِین میرگَنِ قَوی دَ حُضُورِ خُداوند.“ ۱۰شُروعِ پادشاهی شی دَ بابُل، اِرِک، اَکَد و کَلنِه دَ سرزمِینِ شِنعار بُود. ۱۱ازُو سرزمی نَمرُود دَ مُلکِ آشُور رفت و شارای نینوا، رِحوبوت عِیر، کالِح ۱۲و ریسَن ره آباد کد. ریسَن دَ مینکلِ نینوا و شارِ کٹِه کالِح آباد شُدُد.

۱۳مِصر بابه‌کَلونِ امزی قَوما شُد: لُودی‌ها، عَنامی‌ها، لَهابی‌ها، نَفتُوحی‌ها، ۱۴پترُوسی‌ها، کَسلُوحی‌ها و کَفتوری‌ها. فَلَسطِینی‌ها از کَسلُوحی‌ها دَ وجُود اَمَد. ۱۵باچِه اوّلباری کِنعان، صَیدون بُود و باچِه دوّم شی حیت. ۱۶یبُوسی‌ها، اَموری‌ها، جَرجاشی‌ها، ۱۷حِوّی‌ها، عَرقی‌ها، سِینی‌ها، ۱۸اَروادی‌ها، صِماری‌ها و حَماتی‌ها اَولادِه شی بُود. و پسان طایفه‌های کِنعان تِیت‌پَرَک شُد ۱۹و سرحَد کِنعانی‌ها از منطقِه صَیدون طرفِ جِرار تا غَزه، و طرفِ سَدُوم، عموره، اَدمه و صَبوئِیم تا لاشِع بُود. ۲۰اینَمیا باچه‌های حام دَ مُطابِقِ طایفه‌ها و زِبونای خُو دَ سرزمِینا و مِلَّت‌های خُو بُود.

۲۱بَلدِه سام، بِرارِ کٹِه یافِث و بابه‌کَلونِ پگِ اَولادای عِبِر ام باچه‌ها پَیدا شُد. ۲۲باچه‌های سام اینی کسا بُود: عیلام، آشُور، اَرفَکشاد، لُود و ارام. ۲۳باچه‌های ارام اینیا بُود: عُوص، حُول، جاتِر و ماش. ۲۴اَرفَکشاد آتِه شالِح شُد و شالِح آتِه عِبِر. ۲۵بَلدِه عِبِر دُو باچه تَوَلُد شُد: نامِ یگ شی پِلِگ بُود، که دَ زمانِ ازُو زمی تقسِیم شُد و نامِ بِرار شی یُقطان بُود. ۲۶یُقطان آتِه امزی باچه‌ها شُد: اَلموداد، شالِف، حَضَرمَوِت، یارِح، ۲۷هَدورام، اُوزال، دَقله، ۲۸عَوبال، اَبِیمائیل، شیبا، ۲۹اوفِیر، حَوِیله و یوباب. اَمیا پگ شی باچه‌های یُقطان بُود. ۳۰سرزمِینِ ازوا از میشا گِرِفته تا سِفاراه دَ کوهِستونِ شَرقی بُود. ۳۱اَمیا باچه‌های سام دَ مُطابِقِ طایفه‌ها و زِبونای خُو، دَ سرزمِینا و مِلَّت‌های خُو بُود. ۳۲اینَمیا طایفه‌های باچه‌های نوح بُود دَ مُطابِقِ پُشت نامه‌های که دَ مِلَّت‌های ازوا وجُود دَشت. و امزیا بعد از طوفان-و-سیل مِلَّت‌ها دَ دُنیا پَخش شُد.