۱اَی خُدا، دَ وسِیلِه نام خُو مَره نِجات بِدی
و دَ وسِیلِه قُدرت خُو دَ داد مه بِرَس.
۲خُدایا، دُعای مَره بِشنَو،
و دَ تورای دان مه گوش بِدی؛
۳چراکه بیگَنه‌گو دَ ضِد مه باله شُده
و مردُمای ظالِم قَصدِ گِرِفتونِ جان مَره دَره؛
اُونا خُدا ره حاضِر نَمِینگره. سِلاه.
۴اینه، خُدا مَدَدگار مه اَسته؛
خُداوند اُستُوار کُنِندِه جان مه یَه.
۵اُو بَدی دُشمنای مَره پس دَ بَلِه خودونِ ازوا میره.
بخاطرِ وفاداری خُو اُونا ره نابُود کُو.
۶اوخته ما قُربانی داوطلبانه بَلدِه تُو تقدِیم مُونُم
و نام تُو ره، اَی خُداوند، سِتایش مُونُم،
چراکه اُو نیک اَسته.
۷چُون تُو مَره از هر مُشکِل-و-سختی خلاص کدے
و چِیمای مه پیروزی مَره دَ بَلِه دُشمنای مه دِیده.