کِتابِ عِزرا

فصلِ دوّم

پس اَمدونِ اسِیرا

۱اینیا مردُمِ ولایت اَسته که از مینکلِ اسِیرای که کوچِ اِجباری دَده شُدُد پس مورفت، یعنی کسای که نِبُوکَدنِصر پادشاهِ بابُل اُونا ره دَ بابُل دَ اسِیری بُردُد. اُونا دَ اورُشَلیم و یهُودا هر کُدَم شی پس دَ شار خُو رفت. ۲اُونا قد زِروبابِل، یِشُوعَ، نِحِمیا، سِرایا، رِعیلایا، موردِخای، بِلشان، مِسفار، بِغوای، رحُوم و بعنا قتی اَمد.

تعدادِ مَردای قَومِ اِسرائیل که پس اَمد ازی قرار بُود:

۳اَولادِه فرعوش، دُو هزار و یگ صد و هفتاد و دُو نفر؛
۴اَولادِه شِفَطیا، سِه صد و هفتاد و دُو نفر؛
۵اَولادِه آرَح، هفت صد و هفتاد و پَنج نفر؛
۶اَولادِه فَحَت-موآب از اَولادِه یِشُوعَ و یوآب، دُو هزار و هشت صد و دوازده نفر؛
۷اَولادِه عیلام، یگ هزار و دُوصد و پِنجاه و چار نفر؛
۸اَولادِه زَتُو، نُه صد و چِل و پَنج نفر؛
۹اَولادِه زَکای، هفت صد و شصت نفر؛
۱۰اَولادِه بانی، شَش صد و چِل و دُو نفر؛
۱۱اَولادِه بابای، شَش صد و بِیست و سِه نفر؛
۱۲اَولادِه اَزگاد، یگ هزار و دُو صد و بِیست و دُو نفر؛
۱۳اَولادِه اَدونِیقام، شَش صد و شصت و شَش نفر؛
۱۴اَولادِه بِغوای، دُو هزار و پِنجاه و شَش نفر؛
۱۵اَولادِه عادِین، چار صد و پِنجاه و چار نفر؛
۱۶اَولادِه آطیر از اَولادِه حِزقیا، نَوَد و هشت نفر؛
۱۷اَولادِه بیصای، سِه صد و بِیست و سِه نفر؛
۱۸اَولادِه یوره یگ صد و دوازده نفر؛
۱۹اَولادِه حاشُوم، دُو صد و بِیست و سِه نفر؛
۲۰اَولادِه گِبّار، نَوَد و پَنج نفر؛
۲۱مَردای بَیت-لَحَم، یگ صد و بِیست و سِه نفر؛
۲۲مَردای نِطوفه، پِنجاه و شَش نفر؛
۲۳مَردای عَناتوت، یگ صد و بِیست و هشت نفر؛
۲۴مَردای عَزماوِت، چِل و دُو نفر؛
۲۵مَردای قِریَت-عارِیم، کِفِیره و بِئیروت، هفت صد و چِل و سِه نفر؛
۲۶مَردای رامه و جِبَع شَش صد و بِیست و یگ نفر؛
۲۷مَردای مِخماس یگ صد و بِیست و دُو نفر؛
۲۸مَردای بَیت-ئیل و عای دُو صد و بِیست و سِه نفر؛
۲۹اَولادِه نِبو پِنجاه و دُو نفر؛
۳۰اَولادِه مَگبِیش یگ صد و پِنجاه و شَش نفر.
۳۱اَولادِه عیلامِ دِیگه یگ هزار و دُوصد و پِنجاه و چار نفر.
۳۲اَولادِه حارِیم سِه صد و بِیست نفر.
۳۳اَولادِه لود، حادِید و اونو هفت صد و بِیست و پَنج نفر.
۳۴مَردای اَریحا، سِه صد و چِل و پَنج نفر.
۳۵اَولادِه سِنائه سِه هزار و شَش صد و سی نفر.

۳۶پیشوایو: اَولادِه یِدَعیا از خانَوارِ یِشُوعَ نُه صد و هفتاد و سِه نفر.
۳۷اَولادِه اِمّیر یگ هزار و پِنجاه و دُو نفر.
۳۸اَولادِه پَشحُور یگ هزار و دُو صد و چِل و هفت نفر.
۳۹اَولادِه حارِیم یگ هزار و هفده نفر.

۴۰لاویا: اَولادِه یِشُوعَ و قدمِیئیل از اَولادِه هودَویا، هفتاد و چار نفر.
۴۱سرُودخانا: اَولادِه آساف، یگ صد و بِیست و هشت نفر.
۴۲اَولادِه درگه‌وانا: اَولادِه شَلُّوم، اَولادِه آطیر، اَولادِه طلمون، اَولادِه عقُوب، اَولادِه حطِیطا و اَولادِه شوبای، جُمله یگ صد و سی و نُه نفر.

۴۳خِدمتگارای خانِه خُدا: اَولادِه صِیحا، اَولادِه حَسُوفا، اَولادِه طبّاعوت، ۴۴اَولادِه قیروس، اَولادِه سیعَها، اَولادِه فادون، ۴۵اَولادِه لِبانه، اَولادِه حَگابه، اَولادِه عقُوب ۴۶حاگاب، اَولادِه شَلمای، اَولادِه حانان، ۴۷اَولادِه گِدّیل، اَولادِه گَحَر، اَولادِه رِآیا، ۴۸اَولادِه رِصِین، اَولادِه نقودا، اَولادِه گزّام، ۴۹اَولادِه عُزّا، اَولادِه فاسیَح، اَولادِه بیسای، ۵۰اَولادِه اَسناه، اَولادِه مِعُونِیم، اَولادِه نِفُوسِیم، ۵۱اَولادِه بَقبُوق، اَولادِه حَقُوفا، اَولادِه حَرحُور، ۵۲اَولادِه بَصلُوت، اَولادِه محِیدا، اَولادِه حَرشا، ۵۳اَولادِه برقوس، اَولادِه سِیسِرا، اَولادِه تامَح، ۵۴اَولادِه نِصِیَح و اَولادِه حطِیفا بُود.

۵۵اَولادِه خِدمتگارای سُلَیمان: اَولادِه سوطای، اَولادِه هَصوفِرِت، اَولادِه فِرُودا، ۵۶اَولادِه یَعله، اَولادِه درقون، اَولادِه گِدّیل، ۵۷اَولادِه شِفَطیا، اَولادِه حطِیل، اَولادِه پوخِرِت-هَصِبائِیم و اَولادِه آمی بُود.

۵۸تمامِ خِدمتگارای خانِه خُدا و اَولادِه خِدمتگارای سُلَیمان سِه صد و نَوَد و دُو نفر بُود.

۵۹اینیا کسای اَسته که از تِل-مِلَح، تِل-حَرشا، کِرُوب، اَدان و اِمّیر اَمَد، لیکِن اَولادِ بابه و اَصل-و-نَسَب خُو ره ثابِت نَتنِست که آیا دَ اِسرائیل تعلُق دَشت یا نَه:

۶۰اَولادِه دِلایا، اَولادِه طوبیا و اَولادِه نِقودا شَش صد و پِنجاه و دُو نفر.
۶۱و از مینکلِ پیشوایو: اَولادِه حُبایا، اَولادِه هَقوص و اَولادِه بَرزِلّای که یکی از دُخترونِ بَرزِلّای جِلعادی ره خاتُو کدُد و دَ امزُو نام یاد مُوشُد.

۶۲امی نفرا سِلسلِه نَسَب خُو ره دَ مینکلِ کسای که دَ شَجره نامه ها ثَبت شُدُد طلب کد، لیکِن پَیدا نَتنِست و از وظِیفِه پیشوایی برطرف شُد. ۶۳اوخته والی دَزوا گُفت که اُونا از مُقَدَّسترِین خوراک نَباید بُخوره تاکه یگ پیشوا حاضِر شُده قد اُورِیم و تُمِیم دَ بارِه ازوا تصمِیم بِگِیره.

۶۴تمامِ جماعت جُملِه چِل و دُو هزار و سِه صد و شصت نفر بُود. ۶۵بغَیر از غُلاما و کنِیزای ازوا که هفت هزار و سِه صد و سی و هفت نفر بُود. اُونا امچُنان دُوصد مَرد و خاتُونِ سرُودخان ۶۶و هفت صد و سی و شَش اَسپ، دُوصد و چِل و پَنج قاطِر، ۶۷چارصد و سی و پَنج اُشتُر و شَش هزار و هفت صد و بِیست اُلاغ دَشت.

۶۸وختی اُونا دَ خانِه خُداوند دَ اورُشَلیم رسِید، بعضی از کٹه‌کَلونای اَولادِ بابه‌ها هدیه های داوطلبانه بَلدِه خانِه خُدا تقدِیم کد تا اُو ره دُوباره دَ جای شی آباد کنه. ۶۹اُونا دَ مُطابِقِ وَس و تَوان خُو بَلدِه خزانِه کارِ آباد کدونِ خانِه خُدا شصت و یگ هزار دِرهَم طِلّا و پَنج هزار مِنا نُقره و صد جوره کالای پیشوایی دَد.

۷۰پس پیشوایو، لاویا، بعضی مردُمِ عادی، سرُودخانا، درگه‌وانا و خِدمتگارای خانِه خُدا دَ اورُشَلیم و گِردوبَر شی دَ شارای خُو جای-دَ-جای شُد و باقی تمامِ اِسرائیل دَ شارای خود خُو.

فصل قبلی فصل بعدی