۱اوخته رهبرای مردُم دَ اورُشَلیم جای-دَ-جای شُد و باقی مردُم دَ بَین خُو پِشک اَندخت تا از هر دَه خانَوار یگ شی ره دَ شارِ مُقَدَّسِ اورُشَلیم بَلدِه زِندگی کدو بیره و نُه خانَوارِ باقی‌مَنده دَ شارای خودون خُو بُمنه. ۲مردُم از تمامِ کسای که حاضِر شُد داوطلبانه دَ اورُشَلیم زِندگی کنه قدردانی کد.
۳اینیا رهبرای ولایت اَسته که دَ اورُشَلیم شِشت -- باقی بَنی اِسرائیل، پیشوایو، لاویا، خِدمتگارای خانِه خُدا و اَولادِه خِدمتگارای سُلَیمان هر کس دَ خانه-و-مُلک و شار خُو دَ شارای یهُودا جای-دَ-جای شُد؛ ۴ولے بعضی اَولادِه یهُودا و اَولادِه بِنیامِین دَ اورُشَلیم مَند --
۲۰باقی اِسرائیلیا، پیشوایو و لاویا هر کُدَم شی دَ مُلک-و-جای خُو دَ شارای یهُودا مَند. ۲۱خِدمتگارای خانِه خُدا دَ بِلندی عوفِل جای-دَ-جای شُد و صِیحا و جِشفا کٹِه خِدمتگارای خانِه خُدا بُود.
۲۲کٹِه لاویا دَ اورُشَلیم عُزّی باچِه بانی، باچِه حَشَبیا، باچِه مَتَنیا، باچِه مِیکاه یکی از اَولادِه آساف بُود که رهبرِ سرُودخانا دَ خِدمتِ خانِه خُدا بُود. ۲۳از طرفِ پادشاه دَ بارِه سرُودخانا یگ حُکم شُدُد که مربُوطِ خَرچِ روزانِه ازوا مُوشُد.
۲۴فِتَحیا باچِه مِشیزَبئیل یکی از اَولادِه زارِح باچِه یهُودا دِست شَندِه پادشاه بُود و دَ بارِه تمامِ مَسئله های مردُم از طرفِ پادشاه مسئُولیَت دَشت.
۲۵دَ بارِه آغِیلا و زمِینای ازوا، بعضی مردُمِ یهُودا دَ اینی جای‌ها جای-دَ-جای شُد: دَ قِریَت-اَربَع و آغِیلای شی، دَ دِیبون و آغِیلای شی، دَ یِقَبصیئیل و آغِیلای شی، ۲۶دَ یِشُوعَ، دَ مولاده، دَ بَیت-فالِط، ۲۷دَ حَصَر-شُوعال، دَ بِئیرشِبَع و آغِیلای شی، ۲۸دَ صِقلَگ، دَ مِکونا و آغِیلای شی، ۲۹دَ عین-رِمّون، دَ صُرعه، دَ یَرمُوت، ۳۰دَ زانوَح، دَ عَدُلام و آغِیلای ازوا، دَ لاخِیش و زمِینای شی و دَ عزیقه و آغِیلای شی. دَ امزی رقم اُونا از بِئیرشِبَع تا دَرِّه هِنّوم جای-دَ-جای شُد.
۳۱ بعضی مردُمِ بِنیامِین دَ جِبَع، مِخماس، عَیا، بَیت-ئیل و آغِیلای شی، ۳۲عَناتوت، نوب، عَنَنیاه، ۳۳حاصور، رامه، گِتایم، ۳۴حادِید، صِبوعِیم، نِبَلّاط، ۳۵لود، اونو و دَرِّه صَنعتگرا جای-دَ-جای شُد.
۳۶و بعضی دِسته های لاویا که دَ یهُودا زِندگی مُوکد رفته دَ منطقِه بِنیامِین جای-دَ-جای شُد.