۱بُنیادِ شارِ اورُشَلیم دَ کوهِ مُقَدَّس اَسته:
۲خُداوند درگه ھای صَھیون ره دوست مِیدَنه،
کَلوتَر از پگِ خانه ھای یعقُوب.
۳اَی شارِ خُدا،
توره های حَیرَت‌آوَر دَ بارِه تُو گُفته شُده. سِلاه
۴ خُدا مُوگیه: ”دَ مینکلِ کسای که مَره مِینَخشه
ما از رَهَب و بابُل یاد مُونُم؛
امچُنان از فَلَسطِین و صُور و کُوش؛
و مُوگیُم: ’اِی دَ اُونجی تَوَلُد شُده.‘“
۵و دَ بارِه صَهیون گُفته مُوشه که،
”اِی و اُو دَ مَنِه ازُو تَوَلُد شُده“
و خُدای مُتعال، خود شی اُو ره اُستوار مُونه.
۶خُداوند وختِیکه قَوم ها ره ثَبتِ کِتاب مُونه، اینی رقم نوِشته مُونه:
”اِی دَ اُونجی تَوَلُد شُده.“ سِلاه.
۷سرُودخانا و کسای که بازی مُونه یگرقم مُوگه:
”پگِ چشمه های مه دَ مَنِه ازتُو یَه.“