د شمېر کتاب
دوهم فصل
په کمپ کې د قبیلو ځای په ځای کول
۱ څښتن موسی او هارون ته وویل:
۲ «کله چې اسراییلیان خېمې ودروي، هر سړی به د خپلې ډلې د بیرغ او د خپلې طایفې د نښان لاندې خېمې ودروي. کمپ دې د سپېڅلې خېمې په شاوخوا کې جوړ شي.»
۳ د یهودا د کمپ ډلې دې په ختیځ کې د لمرخاته خواته د خپل بیرغ لاندې خېمې ودروي. د یهودا د خلکو مشر د عمیناداب زوی نحشون دی.
۴ د هغه د ډلې شمېر ۷۴۶۰۰ تنه دی.
-
۵ د یساکار قبیله به د هغوی په څنګ کې خېمې ودروي. د یساکار د خلکو مشر د صوغر زوی نتناییل دی.
۶ د هغه د ډلې شمېر ۵۴۴۰۰ تنه دی.
-
۷ ورپسې به د زبولون قبیله وي. د زبولون د خلکو مشر د حیلون زوی الیاب دی.
۸ د هغه د ډلې شمېر ۵۷۴۰۰ تنه دی.
-
۹ هغه ټول کسان چې د یهودا کمپ ته د هغوی د ډلو له مخې ورکړل شوي دي، د هغوی شمېر ۱۸۶۴۰۰ تنه دی. لومړی به دوی روان شي.
۱۰ د روبین د کمپ ډلې به په جنوب کې د خپل بیرغ لاندې وي. د روبین د خلکو مشر د شدییور زوی الیصور دی.
۱۱ د هغه د ډلې شمېر ۴۶۵۰۰ تنه دی.
-
۱۲ د شمعون قبیله به د هغوی په څنګ کې خېمې ودروي. د شمعون د خلکو مشر د صوریشدای زوی شلومییل دی.
۱۳ د هغه د ډلې شمېر ۵۹۳۰۰ تنه دی.
-
۱۴ ورپسې به د جاد قبیله وي. د جاد د خلکو مشر د دعویل زوی الیاساف دی.
۱۵ د هغه د ډلې شمېر ۴۵۶۵۰ تنه دی.
-
۱۶ هغه ټول کسان چې د روبین کمپ ته د هغوی د ډلو له مخې ورکړل شوي دي، د هغوی شمېر ۱۵۱۴۵۰ تنه دی. دوهم به دوی روان شي.
۱۷ بیا د لومړنیو او اخرنیو دوو کمپونو په منځ کې دې لاویان روان شي او سپېڅلې خېمه دې یوسي. هر کمپ دې په هماغه ترتیب سره روان شي لکه څنګه چې هغوی خېمې ودروي. هر یو به په خپل ځای کې د خپل بیرغ لاندې وي.
۱۸ د افرایم د کمپ ډلې به په لوېدیځ کې د خپل بیرغ لاندې وي. د افرایم د خلکو مشر د عمیهود زوی الیشمع دی.
۱۹ د هغه د ډلې شمېر ۴۰۵۰۰ تنه دی.
-
۲۰ د منسي قبیله به د هغوی په څنګ کې وي. د منسي د خلکو مشر د فدهصور زوی جملی ییل دی.
۲۱ د هغه د ډلې شمېر ۳۲۲۰۰ تنه دی.
-
۲۲ ورپسې به د بنیامین قبیله وي. د بنیامین د خلکو مشر د جدعوني زوی ابیدان دی.
۲۳ د هغه د ډلې شمېر ۳۵۴۰۰ تنه دی.
-
۲۴ هغه ټول کسان چې د افرایم کمپ ته د هغوی د ډلو له مخې ورکړل شوي دي، د هغوی شمېر ۱۰۸۱۰۰ تنه دی. درېم به دوی روان شي.
۲۵ د دان د کمپ ډلې به په شمال کې د خپل بیرغ لاندې وي. د دان د خلکو مشر د عمیشدای زوی اخیعزر دی.
۲۶ د هغه د ډلې شمېر ۶۲۷۰۰ تنه دی.
-
۲۷ د اشیر قبیله به د هغوی په څنګ کې خېمې ودروي. د اشیر د خلکو مشر د عکران زوی فجعییل دی.
۲۸ د هغه د ډلې شمېر ۴۱۵۰۰ تنه دی.
-
۲۹ ورپسې به د نفتالي قبیله وي. د نفتالي د خلکو مشر د عینان زوی اخیرع دی.
۳۰ د هغه د ډلې شمېر ۵۳۴۰۰ تنه دی.
-
۳۱ هغه ټول کسان چې د دان کمپ ته ورکړل شوي دي، د هغوی شمېر ۱۵۷۶۰۰ تنه دی. هغوی به د خپلو بیرغونو لاندې په اخر کې روان شي.
۳۲ نو دا د اسراییلو د قوم سرشمېرنه وه چې د هغوی د کورنیو له مخې تر سره شوه. هغه ټول خلک چې په ډلو ډلو په کمپونو کې وو، شمېر یې ۶۰۳۵۵۰ تنه وو.
۳۳ لکه څنګه چې څښتن موسی ته امر کړی ؤ لاویان د نورو اسراییلیانو سره یوځای ونه شمېرل شول.
۳۴ نو د اسراییلو قوم هغه ټول کارونه سرته ورسول چې څښتن موسی ته امر کړی ؤ. په دې ډول هغوی هر یو د خپل بیرغ لاندې خېمې ودرولې او د خپلې طایفې او خپلې کورنۍ سره روان شو.
