۱سُلَیمان پادشاه دَ بَلِه تمامِ اِسرائیل پادشاه بُود ۲و اینیا نفرای دَربار شی بُود:
۷سُلَیمان دوازده والی دَ تمامِ اِسرائیل دَشت که بَلدِه پادشاه و دَربار شی خوراک تَهیه مُوکد؛ هر کُدَمِ ازوا دَ یگ سال باید بَلدِه یگ ماه خوراک تَهیه مُوکد. ۸نام های ازوا اینیا بُود:
۲۰ مردُمِ یهُودا و اِسرائیل رقمِ ریگِ دریا اَلّی بےحِساب بُود؛ اُونا مُوخورد و وُچی مُوکد و خوشحال بُود. ۲۱سُلَیمان دَ بَلِه تمامِ مَملَکَت ها از دریای فَرات تا سرزمِینِ فَلَسطِینیا و تا سرحدِ مِصر پادشاهی مُوکد. اُونا تُحفه ها میوُرد و سُلَیمان ره دَ تمامِ روزای عُمر شی خِدمت مُوکد.
۲۲خوراکِ روزانِه دربارِ سُلَیمان سی کُر آردِ نَرم، شصت کُر غَلّه-و-دانه، ۲۳دَه گاوِ چاغی، بِیست گاو از چراگاه و صد گوسپو علاوه از آهُو ها، آهُوباره ها، گوَزن ها و مُرغ های چاق بُود. ۲۴چُون اُو دَ بَلِه تمامِ منطقِه غَربِ دریای فَرات، از تِفسَح تا غَزه حُکمرانی مُوکد، یعنی دَ بَلِه تمامِ پادشایونِ غَربِ دریای فَرات؛ و اُو از هرطرف دَ صُلح-و-اَمنیَت بُود. ۲۵دَ روزای پادشاهی سُلَیمان مردُمِ یهُودا و اِسرائیل از دان تا بِئیرشِبَع پگ شی دَ تَی تاکِ انگُور و دِرختِ انجِیر خُو آرام-و-بیغَم مِیشِشت. ۲۶سُلَیمان چِل هزار آوخور بَلدِه اَسپ های گاڈی های جنگی خُو دَشت و دوازده هزار اَسپ‌سوار. ۲۷امُو والی‌ها بَلدِه خوراکِ سُلَیمان پادشاه و تمامِ کسای که دَ سرِ دِسترخونِ سُلَیمان پادشاه مِیشِشت خوراک تَهیه مُوکد؛ اُونا هر کُدَم شی دَ ماهِ خُو تَهیه مُوکد و نَمی‌ایشت که هیچ چِیز کمبُود شُنه. ۲۸اُونا امچُنان جَو و کاه بَلدِه اَسپ ها و اَسپ های تیزپای دَ جای تعیِین شُده میوُرد، هر کس دَ مُطابِقِ وظِیفِه خُو عمل مُوکد.
۲۹خُدا دَ سُلَیمان حِکمت و دانایی غَدر کَلو دَد و روحِ فامِیدَگی از حد کَلو رقمِ ریگِ لبِ دریا اَلّی. ۳۰حِکمتِ سُلَیمان ام از حِکمتِ تمامِ مردُمِ مشرِق و ام از حِکمتِ پگِ مِصریا کده کَلوتر بُود. ۳۱اُو از تمامِ اِنسان ها کده داناتَر بُود، داناتَر از ایتان اِزراحی و داناتَر از حیمان، کَلکول و دَردَع باچه های ماحول؛ نامِ ازُو دَ مینکلِ تمامِ مِلَّت های که دَ گِردوبَر شی بُود مشهُور شُد. ۳۲اُو سِه هزار مثل گُفت و تِعدادِ بَیت های شی یگ هزار و پَنج بُود. ۳۳اُو دَ بارِه دِرختا و گیاه ها، از دِرختِ سَروِ لِبنان گِرِفته تا عَلفِ زوفا که دَ دیوال ها بُر مُوشه توره گُفت و دَ بارِه حَیوانا، مُرغَکو، خزِنده‌گو و ماهیا ام گپ زَد. ۳۴ مردُمِ تمام مِلَّت ها میمَد تا حِکمتِ سُلَیمان ره گوش بِگِیره؛ اُونا از طرفِ تمامِ پادشایونِ زمی که آوازِه حِکمتِ سُلَیمان ره شِنِیده بُود، میمَد.