۱اَی تمامِ قَوم ها، چک-چک کُنِید؛
دَ حُضُورِ خُدا قد آوازِ خوشی چِیغ بِزنِید.
۲چراکه خُداوندِ مُتعال پُرهَیبَت اَسته،
پادشاهِ بُزُرگ دَ بَلِه تمامِ زمی.
۳اُو قَوم ھا ره تابِع ازمو کد
و مِلَّت ها ره تَی پای مو پورته کد.
۴اُو میراث مو ره بَلدِه مو اِنتِخاب کده،
که اِفتخارِ یعقُوب اَسته؛ اُو یعقُوب ره دوست دَره. سِلاه.
۵خُدا دَ مینکلِ چِیغ-و-شورِ خوشی باله رفت،
اَرے، خُداوند دَ آوازِ شیپُور باله رفت.
۶سرُود بِخانِید، بَلدِه خُدا سرُود بِخانِید،
سرُود بِخانِید، بَلدِه پادشاهِ مو سرُود بِخانِید!
۷ازی که خُدا پادشاهِ تمامِ زمی اَسته،
قَصِیده بِخانِید.
۸خُدا دَ بَلِه مِلَّت ها پادشاهی مُونه؛
خُدا دَ بَلِه تَختِ مُقَدَّس خُو شِشته.
۹کٹه‌کَلونای قَوم ها قد قَومِ خُدای اِبراهِیم یگجای شُده،
چراکه حُکمرانای زمی دَ خُدا تعلُق دَره؛
اُو بےاندازه مُتعال اَسته.