۱ مه په قهرېږه ای څښتنه او ما مه رټه ته
په خپل غضب سره دې ماته سزا مه راکوه
۲ زه یم کمزوری ای څښتنه، په ما رحم وکړه!
ماته شفا راکړه څښتنه، چې هډوکي ټول خوږیږي زما
۳ څښتنه زه ډېر په کړاو کې یمه
دا به ترڅو پورې تر کومې به وي؟
۴ ای څښتنه زما! راشه ما وژغوره
په خپلې مینې دې له مرګه ما راخلاص کړه
۵ کله چې څوک مړ شي بیا تا نه شي یادولی
ګور کې هېڅوک نه شي ستا ثنا بیانولی
۶ په زګېروو شومه زه ستړی
هره شپه مې بستر لوند وي په ژړا
هم مې لوند بالښت په اوښکو
۷ دید مې ډېر کمزوری شوی له غمو
زما سترګې پړسېدلې له ژړا نه
په سبب د دښمنانو
۸ ای بدکارو خلکو، لېرې شئ له ما
اورېدلې ده څښتن ژړا زما
۹ د کومک دپاره واورېده څښتن فریاد زما
کړي قبوله به هغه دعا زما
۱۰ زما دښمنان به ټول شرمیږي
او وېریږي به ډېر
هغوی به تښتي ناڅاپي
په رسوایۍ سره